„ეს იქნება პოზიტივზე ორიენტირებული სტრატეგია, ლაღი სტრატეგია. სტრატეგია, რომელიც მიზნად ისახავს მომავალი საქართველოს სილაღისა და წარმატების ჩვენებას ეს იქნება ძირითადი ორიენტირები. იქნება რა თქმა უნდა უშუალო კონტაქტი ხალხთან", _ განაცხადა კოალაიცია „ქართული ოცნების" პრეზიდენტობის კანდიდატმა გიორგი მარგველაშვილმა ურეკის კულტურის სახლში ბიძინა ივანიშვილისა და მმართველი საპარლამენტო უმრავლესობის წარმომადგენლების შეხვედრის დასრულების შემდეგ.
„ჩვენ ვართ ორიენტირებული მომავალზე. გარდა ამისა არის ბოლო 8 თვიანი უაღრესად წამატებული გამოცდილება და მინდა ხაზი გავუხვა იმას, რომ ბოლო 8 თვის განმავლობაში რაც გაკეთდა ჯანდაცვაში, სოფლის მეურნეობაში განათლებაში - ყველა ამ მიმართულებით არის უპრეცედენტო წარმატება", _ აცხადებს მარგველაშვილი და აღნიშნავს, რომ წინასაარჩევნო კამპანბიის დროს რა თქმა უნდა წარმოჩინებული იქნება განვლილ 8 თვეში გაწეული სამუშაო.
„ჩვენ ბუნებრივია წარმოვაჩენთ რაც გავაკეთეთ ამ 8 თვის განმავლობაში, მაგრამ ბუნებრივია ამასთან ერთად ჩვენ ვიქნებით ორიენტირებული მომავალზე და იმ ბუნებრივ სილაღეზე რაც ჩვენს ქვეყანას უნდა ჰქონდეს და დაუბრუნდეს", _ აცხადებს მარგველაშვილი.