საქართველოს პრემიერ მინისტრთან ბიძინა ივანიშვილთან განათლების ახალი მინისტრის კანდიდატურა შეთანხმებულია. ამის შესახებ ურეკში ბიძინა ივანიშვილისა და უმრავლესობის შეხვედრის დაწყებამდე განათლების მოქმედმა მინისტრმა და კოალიცია „ქართული ოცნების" საპრეზიდენტო კანდიდატმა გიორგი მარგველაშვილმა განაცხადა.
"კანდიდატურა განხილულია ბატონ ბიძინასთან და ამ კანდიდატურის შესახებ უახლოეს მომავალში მოვახსენებთ საზოგადოებას", - აღნიშნა მარგველაშვილმა.
მარგველაშვილმა აღნიშნა, რომ პრემიერისა და უმრვალესობის შეხვედრის მთავარი თემა საპრეზიდენტო არჩევნები იქნება.
"ვემზადებით უმნიშვნელოვანესი დემოკრატიული ღონისძიებისთვის, ესაა საპრეზიდენტო არჩევნები და ამ თვალსაზრისით, ბუნებრივია, საჭიროა კოორდინაცია და ერთიანი პოზიციის ჩამოყალიბება", - განაცხადა მარგველაშვილმა.
