,,მიუხედავად იმისა, რომ ჩვენ ვცდილობთ რუსეთთან ურთიერთობის დალაგებას, ურთიერთობის გამოსწორებას მაინც ხდება რუსეთიდან ასეთი პროვოკაციული ნაბიჯები და ასეთი გაუმართლებელი ქმედებები არ ჯდება არცერთ საერთაშორისო ნორმაში", _განაცხადა ჟურნალისტებთან ფანჯიკიძემ.

მისვე განმარტებით ქართულ მხარეს რუსეთის საოკუპაციო ძალების მიერ ე.წ. საზღვრი გადმოწევასთან დაკავშირებულ ქმედებაზე რეაგირება მხოლოდ დიპლომატიური გზით შეუძლია.

,,ჩვენ მხოლოდ დიპლომატიური არხებით შეგვიძლია რეაგირება, რასაც ვაკეთებთ. მოგეხსენებათ ჟენევის მოლაპარაკების რაუნდზე ეს იყო ერთ-ერთი უმნიშვნელოვანესი თემა, სადაც მწვავედ დადგა ეს საკითხი. ამ მხრივ საერთაშორისო მხარდაჭერა გვაქვს და დღევანდელ შეხვედრას გამოვიყენებთ ამ საკითხის წამოსაწევად", _განაცხადა ფანჯიკიძემ, რომელიც ბათუმში მიმდინარე კონფერენციას ,,საქართველოს ევროპული გზა და ევროკავშირის აღმოსავლეთის ევროპული პარტნიორები ვილნიუსის აღმოსავლეთის სამიტისკენ" ესწრება.

,,ჩვენ მხოლოდ დიპლომატიური არხებით შეგვიძლია რეაგირება, რასაც ვაკეთებთ. მოგეხსენებათ ჟენევის მოლაპარაკების რაუნდებზე ეს იყო ერთ-ერთი უმნიშვნელოვანესი თემა, სადაც მწვავედ დადგა ეს საკითხი. ამ მხრივ საერთაშორისო მხარდაჭერა გვაქვს და დღევანდელ შეხვედრას გამოვიყენებთ ამ საკითხის წამოსაწევად", _განაცხადა ფანჯიკიძემ, რომელიც ბათუმში მიმდინარე კონფერენციას ,,საქართველოს ევროპული გზა და ევროკავშირის აღმოსავლეთის ევროპული პარტნიორები ვილნიუსის აღმოსავლეთის სამიტისკენ" ესწრება.

შეგახსენებთ, რომ ცხინვალის რეგიონში, სოფელ დიცთან სასაფლაოების ტერიტორიაზე რუსმა სამხედროებმა მავთულხლართების გაბმის პროცესი განაახლეს.
საოკუპაციო ზოლის გამაგრების სამუშაოები ოკუპანტებმა დღეს დილით განაახლეს. ადგილზე ექვსი რუსი სამხედრო და სპეცტექნიკაა მობილიზებული.
რუსმა სამხედროებმა ჟურნალისტების გამოჩენისთანავე სამუშაოები შეწყვიტეს და ავტომანქანებში დაიმალნენ.
ადგილობრივი მოსახლეობა მომხდართან დაკავშირებით ცენტრალური ხელისუფლებისგან ადეკვატურ რეაგირებას მოითხოვს.