ვიცე-სპიკერი მანანა კობახიძე ქვეყნის პრემიერ-მინისტრის გაკეთებულ განცხადებას აფასებს, მისი განცხადებით კოალიცია"ქართული ოცნება" და ახალი ხელისუფლება, ყოფილ სახელისუფლებო ძალას არ უნდა დაემსგავსოს და ყველა პოლიტიკურ ძალას უნდა ჰოქნდეს ნორმალური წინასაარჩევნო კამპანიის ჩატარების შესაძლებლობა.
„ის, როგორც გვექცეოდა ყოფილი ხელისუფლება ოპოზიციაში მყოფ პარტიებს არჩევნების წინა პერიოდში, ჩვენ არ უნდა დავუშვათ, რომ იგივე მოხდეს ოდესმე ჩვენს ქვეყანაში. შურისძიების მოტივი არ უნდა იყოს და არავის არავისთვის სამაგიეროს გადახდა არ უნდა უნდოდეს. ყველა პოლიტიკურ სუბიექტს, ვისაც არჩევნებში მონაწილეობის სურვილი აქვს გაცხადებული უნდა მიეცეს თანაბარ პირობებში საარჩევნო კამპანიის წარმოების უფლება და ეს პირობები უნდა დავიცვათ. თუნდაც პოლიციამ, პროკურატურამ თავი უნდა შეიკავოს. თუ არ არის განსაკუთრებუილი საფუძველი არჩევნებში მონაწილე კანდიდატის მხრიდან, არ მიიღოს დაპატიმრების გადაწყვეტილება, რადგან ეს პოლიტიკურ დევნად არ იყოს აღქმული. ჩვენ მთელ დემოკრატიულ საზოგადოებას უნდა დავანახოთ, რომ ხელისუფლებას შეგვწევს ძალა, ჩავატაროთ დემოკრატიული არჩევნები", - განაცხადა პარლამენტის ვიცე-სპიკერმა მანანა კობახიძემ.
