,,ადამიანს რომელმაც ქართული მსოფლიო კლასის ტექნიკა შექმნა, ერთ-ერთმა ევროპულმა ქვეყანამ ხელი სტაცა და პოლიტიკური თავშესაფარი მისცა", _ განაცხადა მიხეილ სააკაშვილმა ტექნიკურ უნივერსიტეტის პროფესორ-მასწავლებლებთან შეხვედრისას.
,,იარაღის წარმოება ის შემთხვევა იყო, რომელიც კარგად დავიწყეთ და დავამთავრეთ ცუდად, არ გაგვგრძელეთ, როგორც ხდება ხოლმე წესით საქართველოში კარგად ვიწყებთ და გაგრძელება, ბოლომდე მიყვანა არ გვიყვარს. იარაღის წარმოების უფროსი ახლა გაქცეულია. ერთ-ერთმა ევროპულმა ქვეყანამ დიდი სიამოვნებით პოლიტიკური თავშესაფარი მისცა და გამოიყენებს, ალბათ, თავისი სამხედრო ტექნიკის წარმოებისთვის. ქართველებს, ალბათ არ გვჭირდება, ჩვენი კარგი სპეციალისტები. მას ეგრევე ორივე ხელი სტაცეს და პოლიტიკური თავშესაფარი მისცეს, იმიტომ, რომ თურმე ჩვენი სამართალდამცავი ორგანოები ეძებენ იმ ადამიანს, რომელმაც შექმნა ახალი ქართული მსოფლიო კლასისი ტექნიკა", _ განაცხადა მიხეილ სააკაშვილმა და აღნიშნა, რომ ამგვარი ლაფსუსები არ უნდა დავუშვათ.
