თბილისის საკრებულოში ფრაქცია ,,ნაციონალები" კიდევ ერთმა დეპუტატმა დავით წერეთელმა დატოვა. როგორც ,,ჯი-ეიჩ-ენთან" საუბარში წერეთელმა განმარტა ის, ჯერჯერობით, დამოუკიდებელ დეპუტატად დარჩება და კოლეგებთან კონსულტაციის გავლის შემდეგ მიიღებს გადაწყვეტილებას კონკრეტულ ფრაქციაში გაწევრიანების შესახებ.
მისივე განცადებით, ფრაქციის დატოვების გადაწყვეტილება პირადი ცხოვრების ამსახველი მასალებისა და პრეზიდენტის ადმინისტრაციის მხრიდან კოკი იონათამიშვოლის წერილის გამოქვეყნების გამო მიიღო.
,,ჩემი მხრიდან ფრაქციის დატოვება განაპირობა პირადი ცხოვრების ამსახველმა კადრება, რომელმაც ჩემზე ძალიან იმოქმედა. ,,ნაციონალური მოძრაობის" უდიდესი ნაწილი ამას არასდროს დასთანხმდებოდა, მიახლოებით მაინც რომ სცოდნოდა რა ხდებოდა. ასევე ჩემზე ფსიქოლოგიურად იმოქმედა კოკი იონათამიშვილის პირადი წერილის გამოქვეყნებამ. მე შეიძლება რამე თხოვნა გამიჩნდეს და ვინმეს მივმართო და ვინმემ, რომ გამომიქვეყნოს თქვენ თვითონ როგორ შეხედავდით ამ ფაქტს? ჩემი აზრით, არ შეიძლება პირადი მიმოწერის გამოქვეყნება", _განაცხადა ,,ჯი-ეიჩ-ენთან" საუბარში დავით წერეთელმა.