,,პოლიტიკური პარტიების ფინანსური მონიტორინგის სამსახურმა პროკურატურიდან მიღებული მასალების საფუძველზე გამოავლინა, რომ ,,ერთიანმა ნაციონალურმა მოძრაობამ" კანონის გვერდის ავლით პარტიული მიზნებისთვის გამოიყენა დასაქმების პროგრამისთვის გამოყოფილი საბიუჯეტო სახსრები და მიიღო უკანონო შემოწირულობა ხუთი მილიონ 240 ათას 880-ლარის ოდენობით. კერძოდ, 2012 წელს სოციალური მომსახურების სააგენტომ მთავრობის დასაქმების პროგრამის ფარგლებში განახორციელა შრომითი ხელშეკრულებების დადება 21 ათას 837 პირთან, რომლებმაც წინასაარჩევნო სააგიტაციო სამუშაოები განახორციელეს პარტიის სასარგებლოდ", _განაცხადა ზურაბ აზნაურაშვილმა.
მისივე განმარტებით, დასაკონტრაქტებელ პირთა სია შედგენილი იყო ადგილობრივი თვითმმართველობის წარმომადგენლების მხრიდან, ასევე ,,ნაციონალური მოძრაობის" მხარდამჭერების მხრიდან, რომლების საქმის კურსში არ იყვნენ დასაქმების პროგრამის ფარგლებში განსახორციელებელი სამუშაოების შესახებ.
,,აღნიშნული ფაქტი მოწმობს, რომ რიგი სახელმწიფო უწყებების მხრიდან უგულებელყოფილი იქნა დასაქმების პროგრამით გათვალისწინებული მიზნები და საბიუჯეტო სახსრები მიმართული იქნა ,,ნაციონალური მოძრაობის" წინასაარჩევნო კამპანიის სასარგებლოდ, რის შედეგად შრომის, ჯანმრთელობისა და სოციალური დაცვის სამინისტრომ ასიგნებებიდან ,,ერთიანმა ნაციონალურმა მოძრაობა" მიიღო უკანონო შემოწირულობა ხუთი მილიონ 240 ათას 880-ლარის ოდენობით", _განაცხადა ზურაბ აზნაურაშვილმა და აღნიშნა, რომ საქმის დამატებითი შესწავლისთვის საქმე მთავარ პროკურატურას გადაეგზავნება.
,, საქართველოს პარლამენტში 2012 წლის 19 დეკემბრის ამნისტიის აქტის შესაბამისად მოკლებული ვართ შესაძლებლობას განვახორციელოთ ადმინისტრაციული საქმის წარმოება და რადგანაც საქმეში კვეთება სხვა მოქმედი კანონმდებლობით გათვალისიწნებული ნორმების დარღვევის ნიშნები ზემოაღნიშნულ ანგარიშსს დამატებითი შესწავლისთვის ვუგზავნით საქართველოს მთავრა პროკურატურას", _ განაცხადა ზურაბ აზნაურაშვილმა.