დავით საყვარელიძის განცხადებით, კოკი იონათამიშვილმა ვერ გაუძლო იმ ტერორს რაც ქვეყანაში ხდება. ამის შესახებ ,,ნაციონალური მოძრაობის" დეპუტატმა დავით საყვარელიძემ კოკი იონათამიშვილის გადაწყვეტილების კომენტირებისას განაცხადა.
მისვე განმარტებით, კოკი იონათამიშვილის პარტიიდან წასვლა ტრაგედია არ არის.
,,იმ მასშტაბის ტერორს, რომელიც ხორციელდება ზოგი ადამიანი უძლებს, ბევრი ვერ უძლებს, ბევრს ნებისყოფა აქვს, ბევრს არა აქვს. ზოგის ფასეულობები რაღაც ბზარსაც განიცდის. ამიტომ ეს არის ბატონი კოკის არჩევანი, ეს არის პოლიტიკა ამაზე ვერავითარ კომენტარს ვერ გავაკეთებს, ეს არის მისი გადაწყვეტილება. ჩვენ გავაგრძელებთ ბრძოლას იმ თანაგუნდელებთან ერთად, რომლებიც ზურგს უკან გიდგანან გაქვს მათი იმედი. არავითარი ტრაგედია ამაში არ არის", _განაცხადა საყვარელიძემ.
შეგახსენებთ, რომ კოკი იონათამიშვილმა პარტია ,,ნაციონალური მოძრაობა" დატოვა.
