საბერძნეთში ვიზიტის ფარგლებში საქართველოს პარლამენტის თავმჯდომარემ დავით უსუფაშვილმა პირისპირ შეხვედრა გამართა სერბეთის პარლამენტის თავმჯდომარის მოადგილესთან ნენად პოპოვიჩითან.
პოპოვიჩმა აღინიშნა, რომ ეს არის პირველი ოფიციალური შეხვედრა საქართველოსა და სერბეთის პარლამენტის მაღალი რანგის პირებს შორის და მომავალში ურთიერთობების გარღმავების სურვილი გამოთქვა.
მხარეებმა ისაუბრეს ორ ქვეყანაში არსებულ პრობლემებზე და ხაზი გაუსვეს სეპარატისტული რეგიონების არაღიარების პოლიტიკას.
„ბევრი მეგობარი მყავს საქართველოში, კარგად ვიცნობ ბატონ ბიძინა ივანიშვილს, რომელსაც ვუსურვებ წარმატებებს ამ მეტად რთულ საქმეში" - განაცხადა პოპოვიჩმა და აღნიშნა, რომ სერბეთის პარლამენტი ყურადღებით აკვირდება საქართველოში მიმდინარე პროცესებს და დასძინა, რომ სერბული ბაზარი დიდი სიამოვნებით მიიღებს ქართულ ბრწყინვალე ღვინოს.
ნენად პოპოვიჩმა მოუწოდა სერბეთის და საქართველოს ელჩებს უფრო აქტიურად ითანამშრომლონ ეკონომიკურ საკითხებში და საქართველოს ელჩი ბელგრადის ეკონომიკურ ფორუმზე მიიწვია.
სერბეთის პარლამენტის ვიცესპიკერმა აღნიშნა, რომ სერბეთის პარლამენტში უახლოეს მომავალში შეიქმნება საქართველოსთან მეგობრობის ჯგუფი.
დავით უსუფაშვილმა მადლობა გადაუხადა პოპოვიჩს საინტერესო და ნაყოფიერი შეხვედრისათვის და იმედი გამოთქვა, რომ სერბეთსა და საქართველოს საპარლამენტთაშორისო ურთიერთობა ორივე ქვეყნისთვის სასარგებლოდ განვითარდება.
