„ნატოში გაწევრიანების მოთხოვნების დაკმაყოფილება არ არის მხოლოდ სამხედრო პრიზმაში განსახილველი. იმიტომ, რომ ნატო არის გაცილებით უფრო მეტი ვიდრე სამხედრო გაერთიანება", _ განაცხადა ნატოს გენერალურმა მდივანმა ანდერს ფოგ რასმუსენმა პარლამენტის ეროვნულ ბიბლიოთეკაში სტუდენტებთან შეხვედრისას სიტყვით გამოსვლისას და აღნიშნა:
„ნატო არის საზოგადოება იმ ფასეულობებისა, რომლებიც ჩვენ გაგვაჩნია. ეს არის ერების ოჯახი , რომელსაც სწამს თავისუფლების, დამოუკიდებლობის, დემოკრატიისა და კანონის უზენაესობის".
„საქართველო ევროატლანტიკური საზოგადოების წევრი გახდება უდავოდ. საქართველო ნამდვილად გახდება ნატოს წევრი, მაგრამ მეტი კიდევ გასაკეთებელი იმისათვის რათა გაწევრიანების მოთხოვნები დაკმაყოფილდეს.
მაგალითად: საქართველომ უნდა გააგრძელოს მუშაობა იმ მიმართულებით, რომ უმაღლესი დემოკრატიული სტანდარტი იქნეს დაკმაყოფილებული ქვეყანაში. აი ეს კი იწყება პოლიტიკური კომპრომისებიდან და პოლიტიკური დიალოგიდან.
ჩვენ ნატოში მივესალმებით საქართველოს პარლამენტის იმ გადაწყვეტილებას, რომ ერთხმად იქნეს მიღებული საქართველოს საგარეო პოლიტიკის დოკუმენტი და ასევე მივესალმებით კონსტიტუციაში შეტანილ ცვლილებებს", _ განაცხადა რასმუსენმა და აღნიშნა, რომ ეს არის რეალური პოლიტიკური პროგრესი, რომელიც მომავალში უნდა გაგრძელდეს.