"მომავალ წელს ჩვენ უნდა ველოდოთ გარკვეულ პროგრეს ნატოში ინტეგრაციის მიმართულებით", - ამის შესახებ ჟურნალისტებთან პარლამენტის თავმჯდომარემ დავით უსუფაშვილმა განაცხადა და აღნიშნა, რომ ჩრდილოატლანტიკური საბჭოს წევრები ერთხმად აღიარებენ საქართველოში მიღწეულ პროგრეს. მისივე განმარტებით ჩრდილოატლანტიკური საბჭოს წევრებისგან მიიღო პირობა, რომ ნატოს კარი საქართველოსთვის ღიაა.
"სემინარზე დავსვი კითხვა ასე, მეგობრებო გვეუბნებით, რომ ნატოს კარი ღიაა და შესვლა თუ შეიძლება? ჩვენ გვითხრეს რომ კარები ნამდვილად ღიაა შესვლა შეიძლება, მაგრამ გვირჩევენ, რომ უკეთ მოვემზადოთ, ისევე როგორც ვემზადებით ხოლმე სათანადადოდ ნებისმიერ კარში შესასვლელთან. საჭიროა იმის დემონსტრირება რომ საქართველო ყველა თვალსაზრისით მზად არის იჯდეს იმ მაგიდასთან სადაც ზის გერმანია, დიდი ბრიტანეთი, ესპანეთი, კანადა, აშშ და ა.შ", განაცხადა დავით უსუფაშვილმა "შერატონ მეტეხი პალასში" ჩრდილოატლანტიკური საბწოს წევრებთან შეხვედრის შემდეგ.
მისივე განმარტებით საქართველოს ნატოში ინტეგრაციის ფონზე მნიშვნელოვანია, ქვეყანამ შეინარჩუნოს სტაბილურობა და ნატო საქართველოსგან არ უნდა ელოდოს სიურპრიზებს, არამედ უნდა ელოდოს იმას რასაც ელოდება გერმაანიისგან, აშშ-სგან და დიდი ბრიტანეთისგან.