ნატო-ში ინტეგრაციის საკითხი ოპოზიციას ხელისუფლებასთან აერთიანებს, - ამის შესახებ საპარლამენტო უმცირესობის ლიდერმა, დავით ბაქრაძემ ჩრდილოატლანტიკური საბჭოსა და საქართველოს პარლამენტის წარმომადგენლებთან შეხვედრაზე გააკეთა. მისი თქმით, იმედია ნატო-ს შემდეგი სამიტი იქნება სამიტი, სადაც დაფიქსირდება საქართველოს პროგრესი ნატო-სთან მიმართებაში.
„როდესაც გამოდის ოპოზიცია და ოპოზიციის ლიდერი, ოპოზიციის დანიშნულებიდან გამომდინარე, ბუნებრივია საუბარია განსხვავებებზე, მაგრამ ეს ის შემთხვევაა, როდესაც განსხვავებების მაგივრად, მე დავიწყებ იმით, რაც ჩვენ გვაერთიანებს - ეს არის ჩვენი საერთო ხედვა საქართველოს ევროატლანტიკური მომავლის შესახებ", - განაცხადა ბაქრაძემ და აღნიშნა, რომ ნატო-ში ინტეგრაციის წარმატება ხელისუფლების ან ერთი პარტიის წარმატება არ არის, „ეს არის ის, რაც სჭირდება ჩვენს ქვეყანას"
