„ქართული ოცნება-ეროვნული ფორუმი" ახალი საკანონმდებლო წინადადებით გამოდის, რომელიც საგზაო მოძრაობის წესების დარღვევისთვის გათვალისწინებული ფულადი ჯარიმების განახევრებას ითვალისწინებს.აღნიშნული კანონპროექტის ინიციატორი ,,ქართული ოცნება- ეროვნული ფორუმი"-ის წევრი თეიმურაზ მაისურაძეა.
მისი განცხადებით, ჯარიმების განახევრებასთან ერთად გადაიხედება, ჯარიმების გადახდის ვადა და პროცედურები. თუმცა აღნიშნული კანონპროექტის განხილვა საგაზაფხულო სესიაზე არ ესწრება და მას საშემოდგომო სესიებზე განიხილავენ.
,, ეს საკითხი ეხება არამარტო საჯარიმო ნაწილს. ჩვენ ინიციატივა დავაყენეთ, რომ ჯარიმების
გადაუხდელობის შემთხვევაში საურავების განახევრებაზე და ვადების გაზრდაზეც ვიმსჯელოთ. მოსახლეობა ვერ ახერხებს ამ საჯარიმო თანხების მოკლე დროში გადახდას და ალბათ, საშემოდგომო სესიებზე მოხდება. ამის განხილვა, რადგან საგაზაფხულო სესიაზე არ ესწრება. მძიმე ჯარიმებს არ ვეხებით მაგრამ მსუბუქ დარღვევების განახევრება გვინდა",-განაცხადა კანონპროექტის ინიციატორმა თეიმურაზ მაისურაძემ.
