დღეს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი ევროკავშირ-საქართველოს ბიზნეს საბჭოს დირექტორთა საბჭოს თავმჯდომარეს ემანუელ ჰატონსა და ევროკავშირ-საქართველოს ბიზნეს საბჭოს გენერალურ მდივანს ზვიად ჭუმბურიძეს შეხვდა.
შეხვედრაზე მხარეებმა საქართველო-ევროკავშირს შორის ასოცირებისა და მისი შემადგენელი ნაწილის- ღრმა და ყოვლისმომცველი თავისუფალი ვაჭრობის სივრცის შესახებ შეთანხმებებზე ისაუბრეს. სახელმწიფო მინისტრმა აღნიშნა, რომ საქართველო განსაკუთრებულ მნიშველობას ანიჭებს ევროკავშირთან ეკონომიკურ ინტეგრაციას და განაცხადა, რომ ვაჭრობასთან დაკავშირებულ ყველა სფეროში რეფორმები გრძელდება. ასევე, აქტიურად მიმდინარეობს საქართველოს საკანონმდებლო ბაზის ევროკავშირის საკანონმდებლო სივრცეთან ჰარმონიზაციის პროცესი.
თავის მხრივ, ემანუელ ჰატონმა აღნიშნა, რომ ევროკავშირ-საქართველოს ბიზნეს საბჭო დაინტერესებულია ხელი შეუწყოს ქართველ მეწარმეებს ევროკავშირის ბაზარზე ექპორტის განხორციელებაში. მისივე თქმით, საბჭო მეტ ყურდაღებას დაუთმობს ახალგაზრდების განათლებისა და მცირე და საშუალო ბიზნესის განვითარების საკითხებს. შეხვედრაზე, ასევე, აღინიშნა, რომ ევროკავშირ-საქართველოს ბიზნეს საბჭო თბილისში ოფისის გახსნას გეგმავს.
მასალის გამოყენების პირობები
