საქართველოს ახლადდანიშნულმა საგანგებო და სრულუფლებიანმა ელჩმა ავსტრიის რესპუბლიკაში კონსტანტინე ზალდასტანიშვილმა 18 ივნისს ავსტრიის ფედერალურ პრეზიდენტს ჰაინც ფიშერს რწმუნებათა სიგელი გადასცა.
ვენის ჰოფბურგის სასახლეში რწმუნებათა სიგელების გადაცემის ცერემონიის შემდეგ გაიმართა ელჩის შეხვედრა ავსტრიის ფედერალურ პრეზიდენტთან. საუბარი შეეხო ორმხრივ ურთიერთობებს, საქართველოში არსებულ პოლიტიკურ ვითარებას, ასევე ავსტრიაში დაგეგმილ საპარლამენტო არჩევნებს და ქვეყნის ურთიერთობებს მეზობლებთან.
ორმხრივი ურთიერთობის შემდგომი გარღმავების მიზნით საქართველოს ელჩმა ავსტრიის ფედერალური პრეზიდენტი საქართველოში მოიწვია.
საუბრის შემდეგ, ვენის ჰოფბურგის სასახლის ეზოში ავსტრიის სამხედრო ორკესტრმა შეასრულა საქართველოსა და ავსტრიის ეროვნული ჰიმნები.
მასალის გამოყენების პირობები