ყველაზე მტრულად განწყობილ ქვეყნად რუსეთის მოქალაქეები აშშ-ს მიიჩნევენ, ხოლო ყველაზე მეგობრულად განწყობილად ბელორუსს. ინფორმაციას ამის შესახებ რუსული მედია „ლევადა-ცენტრის" მიერ ჩატარებულ გამოკითხვაზე დაყრდნობით ავრცელებს. მეგობრულად გამწყობილი ქვეყნების მეორე ადგილზე რუსეთის მოქალაქეებმა ყაზახეთი მოათავსეს, მესამეზე ჩინეთი, მეოთხეზე უკრაინა და მეხუთეზე გერმანია.
ადრე ჩატარებული გამოკითხვის მიხედვით, რუსეთის მოქალაქეები ყველაზე მტრულად განწყობილ ქვეყნად საქართველოს მიიჩნევდდნენ. ახლა კი საქართველოს ადგილი აშშ-მ დაიკავა, საქართველომ კი მტრულად განწყობილ ქვეყნებს შორის მეორე საპატიო ადგილიზე გადაინაცვლა. ამის შემდეგ მოდის ბალტიისპირეთის სამეული - ლატვია, ლიტვა, ესტონეთი. გამოკითხვაში მონაწილეობა 1601 ადამიანმა მიიღო 18 წლის და მეტი ასაკის. გამოკითხვა ჩატარდა ქვეყნის 45 რეგიონის 130 დასახლებულ პუნქტში.
