,,ნაციონალურ მოძრაობას" საპრეზიდენტო კანდიდატი ჯერ კიდევ არ ჰყავს, თუმცა პარტია საპრეზიდენტო კანდიდატს კვლავ პრაიმერის წესით გამოავლენს. ამის შესახებ, პარტიის ოფისში გამართულ საგანგებო პრესკონფერენციაზე საპარლამენტო უმცირესობის ლიდერმა დავით ბაქრაძემ განაცახდა რომელმაც ჟურნალისტებს ,,ნაციონალური მოძრაობის" პოზიცია გააცნო.
მისივე თქმით, პრაიმერი ივნისის ბოლოს დაიწყება და ერთი თვის განმავლობაში გაგრძელდება. როგორც ბაქრაძემ განმარტა საპრეზიდენტო კანდიდატები ერთ კვირაში დასახელდებიან.
,,ნაციონალურ მოძრაობაში" ბოლო პერიოდში მიმდინარეობდა მსჯელობა თუ რა ფორმით მომხდარიყო საპარეზიდენტო კანდიდატის დასახელება მომავალი საპრეზიდენტო არჩევნებისთვის. ჩვენი სურვილი და გეგმა იყო ეს თავიდანვე გაგვეკეთებინა რაც შეიძლება საჯარო, გამჭვირვალე და საზოგადოებისთვის გასაგები გზით, თუმცა, სამწუხაროდ, ხელისუფლების მიერ პარტიის წინააღმდეგ გატარებულმა რეპრესიებმა გარკვეულ ეტაპზე ჩვენი სურვილი და გადაწყვეტილება კითხვის ნიშნის ქვეშ დააყენა, ვგულისხმობ, პარტიის მოქმედი გენერალური მდივნის ვანო მერაბიშვილის დაპატიმრებას, რაც ჩვენი პარტიისთვის ნიშნავდა სრულიად ახალ სამოქმედო რეალობაში და სამოქმედო სივრცეში გადასვლას. ჩვენ გვქონდა დისკუსია ამის შემდეგ და დისკუსიების და კონსულტაციების ბოლო ეტაპი გვქონდა დღეს, რომელიც რამდენიმე წუთის წინ დასრულდა და მინდა გაგაცნოთ საზოგადოებას პარტიის გადაწყვეტილება. სწორედ იმის გამო, რომ გამოვავლინოთ და ვაჩვენოთ, რომ პარტიის გენერალური მდივნის დაპატიმრება არ ნიშნავს, პარტიის ერთიანობისა და მისი მორალის გატეხვას, როგორც ამის სურვლილი, განზრახვა ჰქონდა ხელისუფლებას, სწორედ ამიტომ ჩვენი გადაწყვეტილებაა, საწყისი გეგმა არ შევცვალოთ და ,,ნაციონალური მოძრაობის" საპრეზიდენტო კანდიდატის დასახელება მოხდეს პარტიული პრაიმერის გზით", _განაცხადა ბაქრაძემ.
მისივე განცხადებით, ამ მიზნით პარტია გამართვს რამდენიმე რეგიონულ კონფერენციას, სადაც გაიმართება თემატური დებატები პრაიმერში მონაწილე საპრეზიდენტო კანდიდატურებს შორის.
,,კონფერენციის შემდეგ შედგება კენჭისყრა სადაც ღიად და გამჭვირვალედ მთელი პარტიის გადაწყვეტილებით მოხდება კონკრეტულ დებატებში და კონკრეტულ კონფერენციაზე გამარჯვებული კანდიდატის გამოვლენა", _განაცხადა ბაქრაძემ და აღნიშნა, რომ საპრეზიდენტო კანდიდატურებისთვის ხმის მიცემის შესაძლებლობა ინტერნმეტის საშუალებითაც იქნება.