უმცირესობის რამდენიმე დეპუტატს, კომიტეტის სხდომის გაცდენის გამო, შესაძლოა, ხელფასი დაექვითოთ. ადამიანის უფლებათა დაცვის კომიტეტის სხდომას საპარლამენტო უმცირესობის წარმომადგენლები არ ესწრებოდნენ. ამის მიზეზი კი უცხოეთის დელეგაციასთან დაგეგმილი შეხვედრები და რამდენიმე დეპუტატის ჯანმრთელობის მდგომარეობის გაუარესება იყო. როგორც კომიტეტის თავმჯდომარემ ეკა ბესელიამ განაცხადა, აღნიშნული ცნობა მათი გათავისუფლების შესახებ კომიტეტის სხდომის დასრულების შემდეგ მიუვიდა, რაც კანონის დარღვევაა. ბესელიას თქმით, თუ დადგინა, რომ საპარლამენტო უმცირესობის მიერ დღევანდელი კომიტეტის სხდომაზე არდასწრება არასაპატიო იყო, მათზე პარლამენტით მიერ რეგლამენტით გათვალისწინებული კანონი ამოქმედდება და, შესაძლოა, ხელფასი დაექვითოთ.
„ჯერ უნდა გავარკვიო რამდენად საპატიო იყო ამ ადამიანების ცნობა გათავისუფლების შესახებ. თუმცა აღსანიშნავია რომ ეს ცნობა მომივიდა კომიტეტის სხდომის დასრულების შემდეგ. ამიტომ პარლამენტის აპარატს ვთხოვე დამიზუსტოს რამდენად საჭირო იყო ცნობა გათავისუფლების შესახებ და თუ დადასტურდა, რომ ცნობა არაკანონიერი იყო, მათზე რეგლამენტით გათვალისწინებული სანქციები ამოქმედდება და ხელფასები ჩამოეჭრებათ", განაცხადა ეკა ბესელიამ.
ცნობისთვის ადამიანის უფლებათა დაცვის კომიტეტის სხდომას დეპუტატები მარიამ საჯაია, აკაკი მინაშვილი, შოთა მალაშხია, ომარ მეგრელიძე და სამველ პეტროსიანი არ ესწრებოდნენ.
