,,ჩვენ ყველა პარტნიორ ქვეყანას ვაცნობებთ, აფხაზეთში რუსეთის საოკუპაციო ძალების ქმედების შესახებ", _განაცხადა ორშაბათის ტრადიციულ ბრიფინგზე საგარეო საქმეთა მინისტრის მოადგილემ დავით ზალკალიანმა გალის რაიონის მიმდებარე სოფლებში შექმნილი ვითარების კომენტირებისას.
,,აფხაზეთში რუსეთის საოკუპაციო ძალების მიერ მნიშვნელოვნად შეიზღუდა თავისუფლად გადაადგილების უფლება. კერძოდ, გალის რაიონის მიმდინარე ზონებში ეს გახლავთ სოფელ ნაბაკევსა და ოტობაიას ტერიტორია სადაც რუსეთის საოკუპაციო ნაწილებმა გააგრძელეს თხრილებისა და მიწაყრილების გავლება, ასევე სპეციალური ნაგებობების აგება, რომლის მიზანია თავისუფალი გადაადგილების შეზღუდვა. ასევე სოფელ ფიჩორაში და მდინარე კოდორის სათავესთან დადგუმულია სამხედრო ჰიდროკოსმოსური კონტროლის სისტემა, რომელსაც შეუძლია მდინარის გასწვრივ არსებული ტერიტორიის კონტროლი", _განაცხადა ზალკალიანმა და აღნიშნა, რომ მომხდარის გამო საგარეო უწყებამ შეშფოთება უკვე გამოხატა.
,,ამ მიმართულებით გაგრძელდება მუშაობა ასევე ჟენევის მოლაპარაკების ფორმატში, რომელიც 25-26 ივნისაა დაგეგმილი და ჩვენ ყველა პარტნიორ ქვეყანას ვაცნობებთ ამ მოვლენების შესახებ", _განაცხადა ზალკალიანმა.