დღეს პარლამენტში ადამიანის უფლებათა დაცვის კომიტეტი პრეზიდენტის მიერ ვეტო დადებულ სისხლის სამართლის საპროცესო კოდექსში შესატან ცვლილებებს განიხილავს. პრეზიდენტის პოზიციას არასამთავრობო ორგანიზაციები იზიარებენ, მათი აზრით უმრავლესობამ პრეზიდენტის ვეტო არ უნდა დაძლიოს.
„ამ შემთხვევაში პარლამენტს არ ვთხოვთ, რომ პრეზიდენტის ვეტო დაძლიოს, პირიქით ვთხოვთ რომ არ დაძლიოს. რადგან ამ კონკრეტულ სიტუაციაში პრეზიდენტის შენიშვნებს ვეთანხმებით. თუ ეს შენიშნები არ იქნა გათვალისწინებული კიდევ უფრო დიდი განსხვავება იქნება დაცვისა და ბრალდების მხარეებს შორის", - განაცხადა საქართველოს ახალგაზრდა იურისტთა ასოციაციის თავმჯდომარემ კახა კოჟორიძემ.
ცნობისათვის, ორი მოსმენით მიღებული კანონპროექტის მიხედვით დაცვის მხარის უფლებები იზღუდება.