საქართველოს პრეზიდენტის ინიციატივით, ეროვნული უშიშროების საბჭოს მორიგი სხდომა დღეს, 11 ივნისს, 18 საათზე პრეზიდენტის სასახლეში გაიმართება.
სხდომაზე აისაფის საერთაშორისო ოპერაციაში მონაწილე ქართულ შენაერთებზე განხორციელებული თავდასხმისა და ქართველი სამხედროებისა და საქართველოს მოსახლეობის მიმართ მუქარის შემცველი ვიდეო კლიპების გავრცელებისა და მასთან დაკავშირებული უსაფრთხოების საკითხები განიხილება.
ჯერჯერობით უცნობია დაესწრება თუ არა სხდომას საქართველოს პრემიერ-მინისტრი.