დაესწრება თუ არა პრემიერი უშიშროების საბჭოს სხდომას ჯერჯერობით უცნობია. პრეზიდენტის მიერ ზუსტი თარიღის გამოცხადებამდე, პრემიერს პრესამსახურმა გაავრცელა განცხადება, რომლის მიხედვით, პრემიერი უშიშროების საბჭოზე დასწრების გადაწყვეტილებას სხდომის ზუსტი თარიღის გამოცხადების შემდეგ მიიღებს.
"ეროვნული უშიშროების საბჭოს შესახებ კანონის მიხედვით, ეროვნული უშიშროების საბჭოს სხდომას იწვევს პრეზიდენტი. ამდენად, სწორედ პრეზიდენტის გადასაწყვეტია, სხდომის დანიშვნის ზუსტი დრო. ცნობისთვის, პრემიერ-მინისტრი თბილისში იმყოფება ორშაბათს და სამშაბათს და მხოლოდ ზუსტი თარიღის გამოცხადების შემდეგ მიიღებს სხდომაზე დასწრების ან არდასწრების გადაწყვეტილებას", - ნათქვამია განცხადებაში.
ბოლო დროს განვითარებულ მოვლენებთან დაკავშირებით პრეზიდენტმა უშიშროების საბჭოს მოწვევის გადაწყვეტილება მიიღო. ეროვნული უშიშროების საბჭოს მორიგი სხდომა სამშაბათს, 11 ივნისს, 18 საათზე პრეზიდენტის სასახლეში გაიმართება.