ვისოლ ჯგუფი გარემოსა და ბუნებრივი რესურსების დაცვის სამინისტროს ინიციატივას შეუერთდა და ბავშვთა დაცვის საერთაშორისო დღეს გასართობ-შემეცნებითი ღონისძიებით აღნიშნავს. ხვალ, 3 საათზე კუს ტბაზე თბილისისა და რეგიონების ბავშვთა სახლების 70-მდე აღსაზრდელისათვის „ეკო პიკნიკი", წყლის ველოსიპედებით გასერნება და სხვა გასართობი ღონისძიებები გაიმართება. ღონისძიების საპატიო სტუმართა შორის გარემოსა და ბუნებრივი რესურსების დაცვის მინისტრი ხათუნა გოგალაძე და სხვა სამთავრობო თუ საერთაშორის ორგანიზაციების წარმომადგენლები იქნებიან.
ღონისძიება იმართება გარემოსა და ბუნებრივი რესურსების დაცვის სამინისტროს ორგანიზებით. მხარდამჭერებს შორის არიან გაეროს განვითარების პროგრამა (UNDP), გერმანიის საერთაშორისო თანამშრომლობის საზოგადოება (GIZ), საქართველოს კულტურისა და ძეგლთა დაცვის სამინისტრო, რეგიონული განვითარებისა და ინფრასტრუქტურის სამინისტრო, ნორვეგიის საგარეო საქმეთა სამინისტრო, ვისოლ ჯგუფი, სუპერმარკეტების ქსელი „სმარტი",„პალიტრა მედია", „IDS ბორჯომი საქართველო", ავერსი, ამერიკის სავაჭრო პალატის კორპორაციული სოციალური პასუხისმგებლობის კომიტეტი.
