1 ივნისს 15:00 საათზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელ ვახტანგ ყოლბაია კავკასიის საერთაშორისო უნივერსიტეტის პროფესორ-მასწავლებლებსა და სტუდენტებს შეხვდება.
შეხვედრა წარიმართება კონფლიქტოლოგიის მიმართულებით, კერძოდ განიხილება შემდეგი საკითხები: აფხაზეთის კონფლიქტის მოგვარების პერსპექტივები, უნივერსიტეტთა თანამეგობრობის როლი აფხაზეთის კონფლიქტის მოგვარებაში, კონფლიქტის შედეგად გახლეჩილი საზოგადოების ახალგაზრდების ურთიერთობების განვითარების პერსპექტივები, პოლიტიკური სტრუქტურების ლეგიტიმურობის დონის ზრდის საკითხი, კონფლიქტურ ზონებში მცხოვრები ბავშვთა უფლებების დაცვა, უნივერსიტეტსა და აფხაზეთის მთავრობას შორის თანამშრომლობის პერსპექტივები, თანამშრომლობა კულტურული მემკვიდრეობის სფეროში, სახალხო და სამოქალაქო დიპლომატიის როლი, სტუდენტების სტაჟირება აფხაზეთის ა/რ მთავრობაში.
კავკასიის საერთაშორისო უნივერსიტეტსა და აფხაზეთის მთავრობას შორის ურთიერთთანამშრომლობის მემორანდუმი გაფორმდება.