"მიმაჩნია, რომ ანქვაბის ამ განცხადების გაკეთების მთავარი მოტივი - ქვეყანაში ფულის არარსებობაა. რუსული ტრანშების წყარო, რომლებიც თავის დროზე აფხაზეთში მიდიოდა - პრაქტიკულად დაშრა და ქვეყანაში არ არის ფული, თან იმის გათვალისწინებით, რომ ეკონომიკა უკვე მიეჩვია მხოლოდ ამ რუსული ტრანშეების ათვისებას", _ აცხადებს ხაშიგი და იქვე განმარტავს, რომ აფხაზ სეპარატისტთა ლიდერის მიერ გაკეთებულ განცხადებაზე რამდენიმე დასკვნის გაკეთებაც შეიძლება.

"პირველი არის ის, რომ აქამდე, ყოველ შემთხვევაში ოფიციალურად, ანქვაბს ნეიტრალური პოზიცია ეკავა, თუმცა ამ ნეიტრალიტეტის მიუხედავად, ცხადი იყო მისი სიმპატიები ახალგაზრდა აფხაზი სასულიერი პირების მიმართ, რომლებიც აფხაზეთის ეკლესიის დამოუკიდებლობისათვის იბრძვიან და კონსტანნიტოპოლის პატრიარქთან ბართლომეოსთან მოლაპარაკებებს აწარმოებენ.

ახლა ანქვაბმა მკვეთრი მობრუნება განახორციელა რუსეთს ეკლესიის მხარეს და მას აფხაზი ეპისკოპოსის ხელდასხმა სთხოვა. მას თან ესმის რა რომ ეს რეალურად შეუძლებელია, ვინაიდან რუსეთის ეკლესიას არაერთგზის აღუნიშნავს, რომ აფხაზეთს, საქართველოს მართლმადიდებელი ეკლესიის ტერიტორიად განიხილავს. ანქვაბმა კარგად იცის ეს მექანიზმი და ესმის ისიც, რომ ეს თემა ძნელადგადასაწყვეტია.

მიმაჩნია, რომ ანქვაბის ამ განცხადების გაკეთების მთავარი მოტივი - ქვეყანაში ფულის არარსებობაა. რუსული ტრანშების წყარო, რომლებიც თავის დროზე აფხაზეთში მიდიოდა - პრაქტიკულად დაშრა და ქვეყანაში არ არის ფული, თან იმის გათვალისწინებით, რომ ეკონომიკა უკვე მიეჩვია მხოლოდ ამ რუსული ტრანშეების ათვისებას.

დღეს მართლაც არსებობს პრობლემა დიდი დავალიანებებისა სამშენებლო კომპანიების მიმართ, სამშენებლო მასალების მომწოდებლების მიმართ, ხელფასების მიმართ, იმიტომ, რომ ოფიციალური განცხადება საბიუჯეტო სფეროებში დასაქმებულთათვის ხელფასის გაორმაგების თაობაზე უკვე გაკეთებულია.

ახლა ქვეყანაში მართლაც ძალიან დიდი ფინანსური პრობლემებია და მიმაჩნია, რომ ახლანდელი რევერანსი რუსეთის ეკლესიის და შესაბამისად კრემლის მიმართ ამით არის განპირობებული და ნიშნავს მცდელობას რაღაც სტიმული მისცეს და განაახლოს რუსული ფინანსური ნაკადი აფხაზეთში სოციალ-ეკონომიკური განვითარების გეგმის ფარგლებში", _ აცხადებს ხაშიგი და დასძენს, რომ ამიტომაც მას არ ჰქონია, რომ
ანქვაბის ამ განცხადებაზე ილია მეორისა და ბართლომეოსს შეხვედრამ იქონია გავლენა.
"მიმაჩნია, რომ ახლა მას აქვს საშუალება ახსნას სიტუაცია ისე, რომ კონსტანტინოპოლის მიმართულებით ჩვენ არაფერს არ უნდა ველოდოთ და ერთადერთი იმედი რუსეთის ეკლესიაზეა", _ აცხადებს ხაშიგი.