საპარლამენტო უმრავლესობის ერთ-ერთი ლიდერი ეკა ბესელია გეგუთის ციხეში წამებით გარდაცვლილი 24 წლის პატიმრის ლევან კორტავას გამო ციხის ადმინისტრაციის პასუხისმგებლობის დაყენებას ითხოვს.
როგორც ბესელია გაზეთ "პრაიმტაიმთან" ინტერვიუში აცხადებს 24 წლის ბიჭის გარდაცვალების საკითხი უამრავ კითხვის ნიშანს აჩენს.
"კოლონიის უფროსს ვესაუბრე, პატიმარი ვინახულე საავადმყოფოში. მე არ ვიზიარებ იმ ვერსიას რომ ეს ბიჭი კიბეზე დაგორების შედეგად გარდაიცვალა. ძალიან პრინციპულია ამ საქმის გამოძიება. თუ პატიმრებს შორის მართლა მოხდა ჩხუბი რატომ არავინ გააშველა ისინი? ამიტომაც პასუხისმგებლობა უნდა აიღოს ყველამ მათ შორის დაწესებულების ხელმძღვანელმა, რომელიც 6 თვეა რაც დანიშნულია და პასუხისმგებელია პატიმრის სიცოცხლეზე", - აცხადებს ბესელია.
24 წლის პატიმარი ლევან კორტავა რუსთავის N6 დაწესებულებიდან გეგუთის კოლონიაში გადაყვანის დღესვე მიღებული მძიმე ტრამვების შედეგად საავადმყოფოში გარდაიცვალა. ოჯახი პატიმრის წამებაზე პასუხისმგებლობას ციხის ადმინისტრაციას აკისრებს და აცხადებს რომ კორტავა ელქეტროშოკებით არის ნაწამები.
მასალის გამოყენების პირობები
