იმერეთის სამხარეო პოლიციასთან 13 საათზე საპარლამენტო უმცირესობის წერვები და ნცაიონალური მოძრაობის მხარდამჭერები შეიკრიბებიან და მათი პარტიის გენერალური მდივნის ვანო მერაბიშვილისა და კახეთის გუბერნატორის ზურაბ ჭიაბერაშვილის, დაკავებას გააპროტესტებენ. იმერეთის გუბერნატორის ვახტან ბალავაძის თქმით აღნიშნული თანამდებობის პირების დაკავება პოლიტიკური ანგარიშსწორებაა, რადგან ქართული ოცნების ლიდერს ბიძინა ივანიშვილს ნაციონალური მოძრაობის ქართული პოლიტიკიდან გაქრობა სურს.
„13 საათზე ნაციონალური მოძრაობის პარლამენტის წევრები, სამხარეო ორგანიზაციის წარმომადგენლები და რიგითი ადმაიანები შევიკრიბებით, რათა ერთად გავაპროტესტოთ პოლიტიკური დაჭერების ის სერია, რომელსაც ქართული ოცნება ხელისუფლებაში მოსვლის შემდეგ გვთავაზობს. ის ბრალდებები რომელიც პროკურატურამ მერაბიშვილსა და ჭიაბერაშვილს წაუყენა მათთვის და ჩვენი პარტიის წევრებისთვის სასაცილოა" განაცხადა ვახტანგ ბალავაძემ.
შეგახსენებთ, რომ დასავლეთ საქართველოს საოლქო პროკურატურამ ყოფილი პრემიერ მინისტრი ვანო მერაბიშვილი და კახეთის გუბერნატორი ზურაბ ჭიაბერაშვილი მოწმის სახით გუშინ დაიბარა და რამდენიმე საათიანი დაკითხვის შემდეგ ისინი ქუთაისის წინასწარი დაკავების იზოლატორში გადაიყვანეს.
