რეგიონული ანგარიშების სრულყოფის მიზნით საქსტატს ტექნიკურ დახმარებას პოლონეთის სტატისტიკის სამსახური გაუწევს. ამ მიზნით, საქსტატში სამუშაო ვიზიტით პოლონელი კოლეგები იმყოფებიან. ვიზიტის ფარგლებში პოლონელი ექსპერტები საქსტატის ეროვნული ანგარიშების სამმართველოს თანამშრომლებს ჩაუტარებენ რამდენიმე სემინარს, რომელთა ძირითადი მიზანია პოლონეთის რეგიონული ანგარიშების პრაქტიკული გამოცდილების გაზიარება, ადმინისტრაციული მონაცემების გამოყენება რეგიონული ანგარიშების წარმოებისთვის და სხვა.
პოლონელი ექსპერტები გაეცნობიან საქართველოს ეროვნული ანგარიშების პრაქტიკას და გაუზიარებენ საქსტატის თანამშრომლებს პოლონეთის გამოცდილებას ამ საკითხებში. აღნიშნულ შეხვედრაში ასევე მონაწილეობას მიიღებენ საქართველოს ფინანსთა სამინისტროსა და საქართველოს ეროვნული ბანკის წარმომადგენლები.
