სარფის საბაჟო გამშვებ პუნქტზე არადეკლარირებული იარაღი აღმოაჩინეს. კერძოდ, შემოსავლების სამსახურის სგპ „სარფის" კონტროლის ზონაში თურქეთიდან TOYOTA COROLLA-ს მარკის მსუბუქი ავტომობილით, თურქეთის მოქალაქე ერ მ. შემოვიდა. შემოსავლების სამსახურის საბაჟო დეპარტამენტის თანამშრომლების მიერ ავტომანქანის დათვალიერებისას, მძღოლის სავარძლის ქვეშ ცეცხლსასროლი იარაღი მარკით SARSILMAZ T1102-04R030088 - 9 მილიმეტრიანი, 1 მჭიდი და 15 ცალი საბრძოლო ვაზნა გამოვლინდა. საქმის მასალები შემდგომი რეაგირებისათვის შესაბამის უწყებას გაეგზავნა.
მასალის გამოყენების პირობები
