ქართული პროდუქციისათვის, რომელიც უახლოეს მომავალში რუსულ ბაზარზე დაბრუნდება აქციზური მარკები უკვე მზადაა. ეს განცხადება "როსპოტრებნადზორის" ხელმძღვანელმა გენადი ონიშჩენკომ გააკეთა. ინფორმაციას ამის შესახებ რუსული მედია ავრცელებს.
"ჯერ ჯერობით აქციზურ მარკებზე არავის მოუმართავს, თუმცა ისინი უკვე მზადაა. ჯერ ქართველი მწარმოებლები არ ჩქარობენ", _ განაცხადა ონიშჩენკომ.
მისივე თქმით, 9 ქართულმა ღვინის მწარმოებელმა საწარმომ მიიღო შესაძლებლობა რუსულ ბაზარზე თავისი პროდუქცია შეიტანოს.
"მათ რუსეთის სახელმწიფო რეგისტრაციისათვის 135 ნიმუში წარადგინეს. მათგან 90-ზე ჩვენ დადებითი დასკვნა გავეცით", _ განაცხადა ონიშჩენკომ.
მასალის გამოყენების პირობები
