,,ახალი შრომის კოდექსი კიდევ უნდა დაიხვეწოს", -განაცხადა ,,ჯი-ეიჩ-ენთან' საუბარში უმუშევართა კავშირის თავმჯდომარემ თამარ იოვაშვილმა და აღნიშნა, რომ უმუშევრობის პრობლემის გადასაჭრელად დადებითი ტენდენციები შეინიშნება.
,,ახალ შრომის კოდექსთან დაკავშირებით სხვადასხვა პოზიცია გამოითქვა, თითქოს ის უმუშევრობას უფრო გაზრდის, თუმცა ამას არ ვეთანხმები. მიმაჩნია, რომ ეს ცვლილებები ძალიან საფრთხილოა და ის მიმართულია ევროპული სტანდარტისკენ, თუმცა ამ მიმართულებით აუცილებელია კიდევ მუშაობა და მუშაობა. მიმაჩნია, რომ დედების უფლებები უფრო კარგად უნდა იყოს დაცული. ახალ შრომის კოდექსის შედარება არ შეიძლება მოქმედ შრომის კოდექსთან, ცა და დედამიწასავით განსხვავდებიან, მაგრამ ახალი შრომის კოდექსი კიდევ უფრო უნდა დაიხვეწოს. მინდა გითხრათ, რომ ხელისუფლება ჯერჯერობით სწორად მოქმედებს, თუმცა წინააღმდეგ შემთხვევაში პულტზე ხელი გვიჭირავს და ხელისუფლების ქმედებებს აუცილებლად გავაკრიტიკებთ", _განცხადა ,,ჯი-ეიჩ-ენთან" საუბარში იოვაშვილმა.
მასალის გამოყენების პირობები
