"ჩემთვის, როგორც ქრისტიანისათვის ეს დღე არის ძალიან მძიმე დღე, იმიტომ, რომ ადამიანის უფლებები არც იარებებდა იმ ფორმითაც რა ფორმით არსებობს დღეს რომ არა ქრისტიანული მსოფლმხედველობა", _ განაცხადა უფლებადამცველმა თამარ გურჩიანმა გადაცემა "აქცენტებში" თბილისში გუშინ მოწყობილი აქციის შეფასებისას.
გურჩიანი მიიჩნევს, რომ პასუხისმგებლობა ყოველივე მომხდარზე სახელმწიფომ უნდა აიღოს.
" მე შემიძლია, როგორც საქართველოს რიგით მოქალაქეს და როგორც ქრისტიანს ამას გავემიჯნო, მაგრამ სახელმწიფომ ამაზე პასუხისმგებლობა უნდა აიღოს და განცხადებები იმის შესახებ, რომ ისინი ემიჯნებიან ძალაობას არის უბრალოდ აბსურდული და სასაცილო. ჩვენ ნამდვილად ვიმსახურებთ უკეთეს საერო და სასულერო მმართველებს", _ აცხადებს გურჩიანი.
მისივე თქმით, ძალიან დიდი უსამართლობა იქნებოდა, რომ რიგით პოლიციელებზე დაგვეკისრებინა სრული პასუხისმგებლობა, ისინი აკეთებდნენ ყველაფერს რაც შეეძლოთ, მათ არ ჰქონიათ ბრძანება, რომ გამოეყებინათ სპეციალური საშუალებები ანუ პროპორციული ძალა მოძალადეების წინააღმდეგ.
"ისინი არც სათანადოდ ყოფილან აღჭურვილნი, შესაბამისად პოლიციელებს ვერ დავადანაშაულებთ, მაგრამ დავადანაშაულებთ შს სამინისტროს, რომელმაც დააყენა პოლიციელები დილემის წინაშე. სახელმწიფომ უნდა ალაგმოს ძალადობა და აქ წერტილი უნდა დაისვას. არც ერთი მოძღვარი რომელიც იქ იყო არ სარგებლობს იმუნიტეტით",_ აცხადებს გურჩიანი.
მასალის გამოყენების პირობები