სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე ძალადობას ემიჯნება, მაგრამ აცხადებს, რომ ცოდვის პროპაგანდა არ შეიძლება.
განვითარებულ მოვლენებს მისი უწმინდესობა სტამბოლში გამგზავრებამდე გამოეხმაურა.
"ჩვენ ვემიჯნებით ძალადობას, მაგრამ არ შეიძლება, ამის პროპაგანდა. ადამიანი შეიძლება, ჩავარდეს ცოდვაში, უნდა ითქვას, რომ საერთოდ, ეს არის ცოდვა. ვერავითარი რელიგია ვერ დაუჭერს მხარს ამ ცოდვას. უნდა ვიცოდეთ, რომ ეს არის ცოდვა ღვითის წინაშე, მაგრამ ამავე დროს, ჩვენ შეგვიძლია გამოვხატოთ ჩვენი გულის ტკივილი, მაგრამ პირად ცხოვრებაში არ ჩავერიოთ. მე იმედი მაქვს, რომ ყველაფერი დამშვიდდება. მოვუწოდებ ჩვენს ხალხს, ყველას ერთ მხარესაც და მეორესაც, რომ დატოვონ ქუჩები, წავიდნენ სახლში და ილოცონ ერთმანეთისთვის", - ბრძანა პატრიარქმა.
