საქართველოს ჯანდაცვის მინისტრის დავით სერგეენკოს ინფორმაციით, დღეს სულ 28 ადამიანი დაშავდა. დაშავებულების ნაწილს სამედიცინო დახმარება ადგილზე გაეწია, ნაწილი კი სასწრაფო სამედიცინო დახმარების ბრიგადებმა საავადმყოფოებში გადაიყვანეს.
"დღეს, დღის განმავლობაში დაზიანებები 28 ადამიანმა მიიღო, აქედან 14 მათგანი სტაციონარშია გადაყვანილი, ერთი უკვე გაიწერა. ყველა დაზიანება საბედნიეროდ, მსუბუქია, გარდა ერთისა, რომელიც საშუალო სიმძიმისაა. ასევე ერთ ჟურნალისტს თხემის ბლაგვი ჭრილობა დაუდგინდა და დაკვირვების ქვეშაა", - განაცხადა სერგეენკომ.
მინისტრის განცხადებით, ყველა დაზარალებულის მდგომარეობა ამ დროისთვის სტაბილურია.
