ჯვრის ამაღლების ტაძრის წინამძღოლი, დეკანოზი თეოდორე გიგნაძის განცხადებით, 17 მაისის აქცია ჰომოსექსუალობის პროპაგანდაა. ამის შესახებ მამა თეოდორემ „პირველი რადიოს" რადიო-კლუბში გამართულ პრესკონფერენციაზე ჟურნალისტებთან განაცხადა.
მისი თქმით, იმ ადამიანების უკან ვინც 17 მაისს აქციას მართავს სერიოზული ლობი,ძალა და ფინანსები დგას, რომლებსაც სურთ ა თემის წინ წამოწევა, ისე როგორც სხვა ქვეყნებშია. მამა თეოდორე არ იზიარებს იმ მოსაზრებას, რომ ჰომოსექსუალებს საქართველოში დევნიან და ხვალიდელი აქცია ჰომოსექსუალობის პროპაგანდაა.
მისივე განმარტებით, 17 მაისის აქციაში მონაწილეობას სამღველოდებაც მიიღებს და რუსთაველის გამზირზე ფილარმონიიდან მსვლელობით მივლენ. ისინი ჩადგებიან ჰომოფობიის საწინააღმდეგო აქციის მონაწილეებსა და მათ მოწინააღმდეგეებს შორის, რათა არ მოხდეს დაპირიპირება.
მამა თეოდორე მიიჩნევს, რომ ჰომოსექსუალიზმი ცოდვაა და ისეთივე დამღუპველია, როგორც სხვა ცოდვები. ის ასევე თვლის, რომ ჰომოსექსუალიზმი გადამდებია მომავალი თაობებისთვის
მასალის გამოყენების პირობები