"მოძრაობა 19 აპრილი", დღეს, 17 მაისს, 12:00 საათზე „პრესკლუბში მე-17 სართულზე" მიმდინარე მოვლენებთან დაკავშირებით საგანგებო განცხადებას გააკეთებს.
როგორც მოძრაობის ლიდერები აცხადებენ, რამდენიმე თვის წინ, არაფორმალური გაერთიანება "მოძრაობა 19 აპრილი"-ს შექმნის მთავარი მიზეზი ქვეყნის დასავლური ორიენტაციის მხარდაჭერა იყო. განვითარების ეს ხედვა არა მხოლოდ ნატო-ში თუ ევროკავშირში გაწევრიანების სურვილს, არამედ ქვეყანაში დასავლური ღირებულებების და დემოკრატიული პრინციპების დაცვასაც ნიშნავს.
სამწუხაროდ, 19 აპრილის შემდეგ გასული, სულ რაღაც, ერთი თვის განმავლობაში საქართველოს მთავრობამ საპირისპირო მიმართულებით სვლა განაგრძო.
მასალის გამოყენების პირობები