იკომოს-საქართველოსა და ნორვეგიის კულტურული მემკვიდრეობის დირექტორატის მიერ ერთობლივად განხორციელებული „ბეთლემის რევიტალიზაციის" პროექტის შედეგად, აღდგენილ და განახლებულ თბილისის უძველეს ქუჩაზე, დღეს, 17 მაისს, ბეთლემის უბნის ტრადიციული რიგით მეოთხე ფესტივალი გაიმართება.
ბეთლემის ფესტივალი იკომოს-საქართველოს მიერ 2010 წლის 17 მაიის - ნორვეგიის დამოუკიდებლობის დღეს, ამ ქვეყნის მიმართ მჭიდრო თანამშრომლობისთვის მადლიერების გამოხატვის მიზნით დაფუძნდა.
კულტურული მემკვიდრეობის დაცვის ეროვნული სააგენტოს გენერალური დირექტორი მერაბ ბოჭოიძე, რომელიც იკომოს-საქართველოს და ბეთლემის რევიტალიზაციის პროექტის ხელმძღვანელია და რომლის ორგანიზებით დაიბრუნა ქუჩამ პირვანდელი სახე ფესტივალს წელს სტუმრის სტატუსით ეწვევა.
სოლოლაკის კლდოვან ფერდზე შეფენილი კლდის უბანი, ვიწრო ქუჩებით, ტერასული განაშენიანებით და მთელს ქალაქზე გადაშლილი საოცარი ხედით, სტუმრებს წელს მეოთხედ უმასპინძლებს. მთავარი მასპინძლები აქ მაცხოვრებლები იქნებიან, რომელთა უშაულო ჩართულობით განხორციელდა უბნის განვითარებისთვის დაგეგმილი და შესრულებული - ძეგლთა სარეაბილიტაციო დოკუმენტაციის შექმნით დაწყებული, ადგილზე ფიზიკური სამუშობის წარმოებით დამთავრებული მასშტაბური საერთაშორისო - პროექტი.
ბეთლემის უბანი აღდგენილი და განახლებულია კომპლექსურ კვლევებზე დაყრდნობით და ძეგლთა დაცვის საერთაშორისო კონვენციით დადგენილი ყველა კრიტერიუმის დაცვით.