დღეს, 17 მაისს, ჰომოფობიასა და ტრანსფობიასთან ბრძოლის საერთშორისო დღეს საქართველოშიც აღნიშნავენ. 13 საათზე ორგანიზაცია "იდენტობა", "ქალთა ინიციატივების მხარდამჭერი ჟგუფი" და სხვა უფლებადამცველი ორგანიზაციები პარლამენტის ყოფილი შენობის წინ აქცია- ფლეშმობს გამართავენ. ცისარტყელის ფერებში ჩაცმული აქციის მონაწილეები ლგბტ ადამიანების დისკრიმინაციის ფაქტებს გააპროტესტებენ საქართველოში. აქციის ანონსი სასტუმრო "რედისონში" აქციის ორგანიზატორებმა წარმოადგინეს. ორგანიზატორების თქმით, აქცია 30 წუთს გასტანს.
მათი თქმით, 2012 წელს ჩატარებული ლგბტ დისკრიმინაციის კვლევის შედეგების მიხედით, განვლილი 2 წლის განმავლობაში გამოკითხულთა 32 % ერთხელ მაინც გამხდარა ფიზიკური ძალაობის მსხვერპლი. 89% -ს კი ჰქონია ფქსიქოლოგიური ძალადობის გამოცდილება. აქციის ორგანიზატორები ლგბტ ადამიანების მიმართ ოჯახურ ძალადობბაზეც საუბრობენ და აცხადებენ, რომ ლგბტ ადამიანების 56 % ოჯახური ძალადობის მსხვერპლია და ამ კონფლიქტის გამო ბევრი საერთოდ უსახლკაროდ რჩება.
აღნიშნულიდან გამომდინარე აქციის ორგანიზატორები მიიჩნევენ, რომ აქციის ჩატარება აუცილებელია. მათი თქმით, აქციის მიზანია საზოგადოების ყურადღების მიპყრობა ქვეყანაში არსებული ჰომოფობიისა და ლგბტ ადამიანთა დისკრიმინაციის ფაქტებზე.
აქციის ორგანიზატორები შსს-ს მოუწოდებენ, 17 მაისს მოახდინოს მობილიზება და უზრუნველყოს აქციის მონაწილეების უსაფრთხოება. აქციის ორგანიზატორების ინფორმაციით, მათ აქციას შესაძლოა შეუერთდნენ დიპლომატიური კორპუსის წარმომადგენლები სწორედ იმიტომ, რომ უზრუნველყოფილი იყოს უსაფრთხოება.
აქციის ორგანიზატორები ამბობენ, რომ არასამთოავრობო ორგანიზაციები "სამართლიანი არჩევნები" და "ახალგაზრდა იურისტთა ასოცია" აქციას დააკვირდებიან.
მასალის გამოყენების პირობები