31 მაისს, საღამოს 20:30 საათზე, თბილისში დინამო არენაზე გაიმართება კახა კალაძის ფეხბურთიდან გაცილების მატჩი. ამ გამოსამშვიდობებელი მატჩის ორგანიზებისათვის შექმნილია სპეციალური შტაბი, რომელსაც ხელმძღვანელობს დავით მუჯირი და ჩართული არიან კახას მეგობრები.
მატჩი გაიმართება მილანის ფეხბურთელებსა და სპეციალურად შედგენილ გუნდს შორის, რომელსაც კახას მეგობრები ერქმევა, სადაც ითამაშებენ მისი როგორც ქართველი, ასევე უცხოელი თანაგუნდელები. ჯერ კიდევ მიმდინარეობს მოლაპარაკებები კახას მეგობრებთან მათი ჩამოსვლის შესახებ. ამ ეტაპისთვის დადასტურებულად ვიცით ზოგიერთი ჩამომსვლელი: პაოლო მალდინი, ფილიპო ინძაგი, ალესანდრო კოსტაკურტა, ანდრეი შევჩენკო, რუი კოშტა, ზვონიმირ ბობანი, კრისტიან ვიერი, სერჟინიო. ერთ-ერთი მწვრთნელი იქნება კარლო ანჩელოტი.
ბილეთების გაყიდვა დაიწყება 22 მაისიდან და ეღირება 5, 7 და 10 ლარი. მატჩის შედეგად შემოსული მთელი თანხა მოხმარდება ქველმოქმედებას.
