საქართველოს პარლამეტის თავმჯდომარის მოადგილე, სუამ-ის საპარლამენტო ასამბლეის თავმჯდომარე ზურაბ აბაშიძე 8-10 მაისს სიტყვით გამოვიდა ქ. რიგაში დაგეგმილ ბალტიის ასამბლეის საერთაშორისო კონფერენციაში ,,თანამშრომლობის ჩამოყალიბება: ბალტიის პასუხი".
აღნიშნული კონფერენციის მუშაობაში ასევე მონაწილეობდნენ როგორც სუამ-ის და ბალტიის წევრი ქვეყნების პარლამენტების, აგრეთვე ბენელუქსის საპარლამენტო ასამბლეის წარმომადგენლები.
ზურაბ აბაშიძემ სუამ-ის საპარლამენტო ასამბლეის სახელით სიტყვით მიმართა კონფერენციის მონაწილეებს, სადაც მან ისაუბრა სუამ-ისა და ბალტიის საპარლამენტო ასამბლეებს შორის თანამშრომლობის პერსპექტივებზე და სუამ-ის საპარლამენტო ასამბლეაში საქართველოს თავმჯდომარეობის პრიორიტეტებზე.
