საპარტნიორო ფონდის აღმასრულებელი დირექტორი ირაკლი კოვზანაძე საერთაშორისო სავალუტო ფონდის მისიას შეხვდა. შეხვედრაზე სავალუტო ფონდის წარმომადგენლები საპარტნიორო ფონდში ამ ეტაპზე მიმდინარე პროექტებს გაეცნენ.
როგორც საპარტნიორო ფონდში განმარტავენ, სავალუტო ფონდის მისიის ხელმძღვანელთან მარკ გრიფიტსთან დეტალურად იქნა განხილული საპარტნიორო ფონდის რეორგანიზაციისა და მის ბაზაზე სუვერენული ფონდის ჩამოყალიბებასთან დაკავშირებული საკითხები. სავალუტო ფონდი აქტიურადაა ჩართული იმ საკანონმდებლო ინიციატივების მომზადებაში, რომელთა საფუძველზეც უნდა ჩამოყალიბდეს სუვერენული ფონდი. შესაბამისად, კოვზანაძემ და გრიფიტსმა ამ მიმართულებით მიმდინარე პროცესი მიმოიხილეს.
საუბარი ასევე შეეხო სუვერენული ფონდის სამეთვალყურეო და საინვესტიციო საბჭოების დაკომპლექტების წესებსს და ფონდის მიერ დასაფინანსებელი პროექტების შერჩევის მეთოდებსა და კრიტერიუმებს.
საპარტნიორო ფონდის რეორგანიზაცია და მის ბაზაზე სუვერენული ფონდის ჩამოყალიბება წლის განმავლობაში იგეგმება.
