ავღანეთის პრეზიდენტის ჰამიდ კარზაის განცხადებით, 2014 წლის ბოლოს, ავღანეთიდან ნატოს ჯარების გაყვანის შემდეგ, ამერიკა ქვეყანაში 9 სამხედრო ბაზის დატოვებას გეგმავს.
„2014 წელს, ავღანეთიდან ჯარის გაყვანის შემდეგ, ამერიკა ქვეყანაში 9 სამხედრო ბაზის დატოვებას გეგმავს. არ ვეწინააღმდეგებით მათ გადაწყვეტილებას, თუმცა აუცილებელია უსაფრთხოების გარანტიები მივიღოთ", - განაცხადა პრეზიდენტმა ჰამად კარზაიმ.
შეგახსენებთ, რომ 2014 წლის ბოლოს ნატოს ჯარები ავღანეთს დატოვებენ. გავრცელებული ინფორმაციით სამხედრო ბაზები ქაბულში, ჰელმანდში, ჯალალაბადში, მაზარი-შარიფესა და ბაგრამში იქნება განლაგებული.
