ბადრი პატარკაციშვილის დედას შესაძლოა საქართველოს მოქალაქეობა ჩამოართვან. ნათელა პატარკაციშვილი „პირველ რადიოსთან" საუბარში ადასტურებს, რომ შესაბამისი უწყებიდან წერილი პირველ მაისს მიიღო, სადაც წერია, რომ ორი ქვეყნის მოქალაქეობას შორის მან არჩევანი უნდა გააკეთოს, საუბარია საქართველოსა და ისრაელზე.
როგორც პატარკაციშვილი „პირველ რადიოსთან" საუბარში განმარტავს, ის ისრაელის მოქალაქეა უკვე 80 წელია.
„პირველ მაისს მომივიდა წერილი, სადაც აღნიშნულია რომ საქართველოსა და ისრაელის მოქალაქეობას შორის არჩევანი უნდა გავაკეთო. ეს ყველაფერი სისულელეა და მეტი არაფერი. მე ისრაელის მოქალაქე ვარ უკვე 80 წელია და სიკვდილამდე ასე იქნება. ეს ყველაფერი ძალიან სასაცილოა მაგრამ გადაწყვეტილებას უახლოეს ორ სამ დღეში მაინც მივიღებ. არ ვაპირებ ამ საკითხზე პრეზიდენტს მივმართო. ვეცდები ყველაფერი თავად გავარკვიო." - განაცხადა ნათელა პატარკაციშვილმა „პირველ რადიოსთან" საუბარში.
მასალის გამოყენების პირობები