იმერეთის რეგიონულ კლინიკურ საავადმყოფოში საქველმოქმედო აქცია გაიმართა.
50-მდე მედიის წარმომადგენლმა სისხლი უანგაროდ ჩააბარა. სისხლი ამავე საავამყოფოში შემოსულ პაციენტებს საჭიროებისამებრ მოხმარდება.
როგორც საავადმყოფოს ადმინისტრაციამ სააგენტოებთან საუბრისას აღნიშნა, საქველმოქმედო აქციაში მონაწილეობის მიღება შეუძლია ნებისმიერ ადამიანს 18-დან 60 წლამდე, ვინც აკმაყოფილებს შემდეგ მოთხოვნებს:
წონა - 50-კგ და მეტია;
არ აქვს გადატანილი ვირუსული ჰეპატიტები B და C,
სიფილისი, ტუბერკულოზი;
არ არისს ინფიცირებული აივ ინფექციით;
არ აქვს სისხლის ან ონკოლოგიური დაავადებები;
არ არის ნარკოტიკების მომხმარებელი.
უახლესი აპარატურით აღჭურვილ რეგიონულ კლინიკურ საავადმყოფოში არსებობს საკუთარი სისხლის ბანკი, რომელიც პაციენტებს სთავაზობს მაღალი ხარისხის სისხლს და სისხლის კომპონენტებს.
იმერეთის რეგიონულ კლინიკური საავადმყოფო 2012 წელს გაიხსნა. მაღალკვალიფიციური კადრები დღემდე სრული დატვირთვით ემსახურებიან პაციენტებს.
