,,დემოკრატიული მოძრაობის" ლიდერმა ნინო ბურჯანაძემ უცნობი ჯარისკაცის საფლავი ყვავილებით შეამკო და ვეტერანებს ფაშიზმზე გამარჯვების დღე მიულოცა.
"9 მაისი განსაკუთრებულია იმ ადამიანებისთვის, ვინც გამარჯვება მოიპოვა. სამწუხაროდ, ჩვენ ყოველწლიურად გვაკლდებიან ისინი. სამწუხაროდ, ჩვენ მათ ვერ მივაგეთ მათთვის საკადრისი პატივი და ხშირ შემთხვევაში ისინი სამართლიანად არიან გულდაწყვეტილნი. მაგრამ ყველაზე მნიშვნელოვანი ისაა, რომ მათ ყველაფერი გააკეთეს, რომ თავიანთი სამშობლო და კაცობრიობა ეხსნათ იმ უბედურებისგან, რასაც ფაშიზმი ერქვა. მინდა ვისურვო, რომ არასდროს მსგავსი უბედურება რასაც ჰქვია ომი, აღარ განმეორდეს და არც ერთმა არ გადაიტანოს ის ტკივილი და უბედურება, რასაც მეორე მსოფლიო ომის დროს მილიონობით ადამიანი განიცდიდა", - განაცხადა ნინო ბურჯანაძემ.
