კახეთში, თელავი-ლაგოდეხის ცენტრალურ მაგისტრალზე საწინააღმდეგო მიმართულებით მოძრავი ორი ავტომანქანა ერთმანეთს ყვარლის გზის მონაკვეთზე შეეჯახა.
შემთხვევის შედეგად ,,ფოლკსვაგენის" მარკის ავტომანქანის მძღოლი 23 წლის ოთარ ზაალიშვილი ადგილზე გარდაიცვალა. მსუბუქად დაშავდა ,,ფორდის" მარკის ავტომანქანის მძღოლიც. მას დახმარება ყვარლის სამედიცინო დახმარების ცენტში აღმოუჩინეს. დაშავებული ექიმებმა საავადმყოფოდან უკვე გაწერეს.
გავრცელებული ინფორმაციით, ავარიის მიზეზი გადაჭარბებული სიჩქარე გახდა.
მომხდართან დაკავშირებით მიმდინარეობს გამოძიება.