სირიის პრეზიდენტი ბაშარ ასადი იმუქრება, რომ ისრაელის მხრიდან მისი ქვეყნის მიმართ მორიგ იერიშს დაუყონებლივ მოყვება საპასუხო რეაქცია, რაც ფართომაშტაბიანი საომარი მოქმედების დასაწყისი გახდება. ამის შესახებ ქუვეითის გაზეთი Al Rai იტყობინება.
შესაბამისი ულტიმატუმი სირიის ლიდერმა რუსეთის მეშვეობით გაუგზავნა აშშ-ს, რომელსაც დამასკო ისრაელის მიერ განხორციელებული იერიშის თანამონაწილედ მიჩნევს.
გამოცემის ინფორმაცით, ასადი პასუხს 24 საათის განმავლობაში ელოდება. ამავე დროს სირიის არმიამ ისრაელის საზღვარზე რუსული წარმოების უახლესი ტიპის რაკეტები და რაკეტსაწინააღმდეგო თავდაცვის სისტემა განალაგა.
აშშ-ის მხრიდან პასუხის მიუღებლობის შემთხვევაში რა ნაბიჯებს გადადგამს სირიის ლიდერი ამის შესახებ გამოცემის წყარი, რომელიც ასადთან დაახლოებულ პირად სახელდებამ არაფერს ამბობს.
სირიაში დარწმუნებულნი არიან, რომ ისრაელმა მის ტერიტორიაზე ავიაიერიში აშშ-სთან შეთახმებით მიტანა. შესაბამისი განცხადება სირიის საგარეო საქმეთა მინისტრის მოადგილემ ფეისალ მიკდადმა გააკეთა.
უნდა აღინიშნოს, რომ ირანის საგარეო საქმეთა სამინისტრომ გამოთქვა იმედი, რომ სირიის არმიის საპასუხო დარტყმა გაანადგურებს "სიონისტ მტრებს". ირანის თავდაცვის უწყებამ კი სირიაში სამხედრო ინსტრუქტორების გაგზავნის მზადყოფნა გამოთქვა.
ბრიტანული The Mirror-ის მტკიცებით, ირანიდან სირიაში უკვე ჩასულია ისლამის რევოლუციის დამცველთა კორპუსის 1500 სამხედრო მოსამსახურე.
შეგახსენებთ, რომ ბოლო დღეების განმავლობაში ისრაელმა სირიის რამდენიმე სამხედრო ობიექტზე ავიაიერიში მიიტანა, რასაც სირიის ხელისუფლების მწვავე რეაქცია მოყვა.
ისრაელის ხელისუფლებას აღნიშნულზე ოფიციალური კომენტარი არ გაუკეთებია.
თუმცა აშშ-ში ისრაელის ელჩმა არაონ საგუიმ განაცხადა, რომ ისრაელი ყველაფერს გააკეთებს რათა სირიის იარაღი ტერორისტული ორგანიზაციების ხელში არ მოხვდეს.
"ჩვენ ამას ვაკეთებდით ადრეც და გავაკეთებთ მომავალში", - განაცხადა ელჩმა.