უზარმაზარი პროგრესია 7 თვის განმავლობაში პოლიციაში, - განაცხადა საპარლამენტო უმრავლესობის წევრმა თინა ხიდაშელმა "ლაბორატორია -1918"-ის წევრების დაკავებისას პოლიცის ქმედების კომენტირებისას.
"ვიდეომასალაზე დაყრდნობით შემიძლია ვთქვა, რომ უზარმაზარი პროგრესია 7 თვის განმავლობაში პოლიციაში. განსაკუთრებით იმის გათვალისწინებით, რომ ისინი იგივე ადამიანები არიან", - განაცხადა პარლამენტის წევრმა.
ხიდაშელმა აღნიშნა, რომ პოლიციის ქმედებაში იყო აქციის მონაწილეთა მიმართ კულტურული დამოკიდებულება.
"აქ კარგად ჩანს პოლიტიკური ნება, რომ არ უნდა ცემო, არ უნდა დაასახიჩრო და კულტურულად მოკიდო ხელი. ასევე, ვნახეთ განცხადება, რომ დაკავებულები არ დააპატიმრეს. შინაგან საქმეთა სამინისტრომ ამით კარგი მაგალითი აჩვენა", - აღნიშნა ხიდაშელმა.