აშშ-ს ფედერალური გამოძიების ბიურომ ბოსტონის ტერაქტის მოწყობაში სავარაუდო ეჭვმიტანილების ფოტოები გამოაქვეყნა. წინასწარი ინფორმაციით, ტერაქტის მოწყობაში ორი ადამიანი არის ეჭვმიტანილი.
სავარაუდო დამნაშავეები, აფეთქების ადგილის მიმდებარედ დამონტაჟებულმა სათვალთვალო კამერებმა დააფიქსირეს. კადრებში ორი საეჭვო მამაკაცი ჩანს, რომლებიც აფეთქების ადგილზე ზურგჩანთებით გადაადგილდებიან.
ფედერალური გამოძიების ბიუროს წარმომადგენლები, მოქალაქეებს მოუწოდებენ, რომ აღნიშნული ეჭვმიტანილების აღმოჩენის შემთხვევაში, მათი დაკავება თავად არ სცადონ, რადგან ბოროტმოქმედები სავარაუდოდ შეიარაღებულნი არიან.
შეგახსენებთ, რომ ბოსტონის მართონის საფინიშო ხაზთან მომხდარ აფეთქებას სამი ადამიანი ემსხვერპლა, მათ შორის ერთი ბავშვია, 134-მა სხვადასხვა სახის დაზიანება მიღო. გუშინ გარდაცვლილა მოსაგონარი ცერემონია გაიმართა, რომელსაც ამერიკის პრეზიდენტი ბარაკ ობამა მეუღლესთან ერთად დაესწრო.