გაეროს გენერალური მდივნის პან კი მუნის განცხადებით, ოფიციალურმა ფხენიანმა ბირთვულ ამბიციებზე უარი უნდა თქვას, რადგან მიუხედავად რიგი ბირთვული და სარაკეტო გამოცდების ჩატარებისა, ის ბირთვული სახელმწიფოს სტატუსს ვერ მიიღებს. მისივე თქმით, ჩრდილოეთ კორეამ კურსი უნდა შეცვალოს და ყურადღება ქვეყანაში არსებულ ჰუმანიტარულ სიტუაციაზე გაამახვილოს.
გაეროს უშიშროების საბჭომ სპეციალური რეზოლუცია მიიღო, რომლის მიხედვითაც ჩრდილოეთ კორეას ბირთვულ იარაღზე მუშაობის შეწყვეტისკენ მოუწოდებს.
ჩრდილოეთ კორეამ 2005 წელს, თავი ბირთვულ სახელმწიფოდ გამოაცხადა, ხოლო 2006, 2009 და 2013 წლებში მიწისქვეშა ბირთვული ცდები ჩაატარა, რამაც საერთაშორისო საზოგადოების აღშფოთება გამოიწვია.
